Russia-in Ukraine a run mek avangin mi tak takin harsatna an tawk a, chung mite tanpui nan chuan concert buatsaih a ni dawn. 

'Concert For Ukraine' hi March 29 hian Resorts World Arena, Birmingham-ah neih a ni dawn a, ITV leh STV te chuan an pechhuak dawn a ni. He hunah hian khawvel huapa zaithiam lar tak tak an inlan dawn a, chung zingah chuan - Camila Cabello, Ed Sheeran leh Snow Patrol te chu inlan tura tihfel tawh an ni. 

Emeli Sande leh Gregory Porter te chu inlan tur zingah an tel bawk a, ticket hi vawiin atangin an hralhchhuak dawn a, an sum hmuhte hi Ukraine mipuite tanpui hna thawktu Disasters Emergency Committee te hlan an ni ang. Cabello chuan, Rilru a na tak zet a, Ukraine mipuite tanpui tur hian tih theih kan nei vek a ni," tiin a sawi.