UN inkhawmpuiah India leh Pakistan an inchaltauh

Admin - Sep 25, 2021

A hmunah India in a chhang nghal

A hmunah India-in a chhang nghal

Khawvel ram inzawm khawmnaa Pakistan-in a puh chhiat dan hi India chuan pawm lovin Indian palai chuan theihna a neih angin rorelnaah hian a chhang let nghal.

India-in UN mission a neiha first secretary Sneha Dubey chuan Pakistan chuan al-Qaeda firfiak leh an thluak bur, Osama bin Laden chu humin United States special force-ten kum 2011-a sipai khawpui, Abbottabad-ah an thah thu a sawi ve nghal.

“Hei hian he ram hi tharum leh mi tihchhiat kawngah tam taka a inhman dan a tilang chiang a ni,” a ti.

“Pakistan hian mi firfiakte hi an in hnung lamah thlamuang takin an thukru a, heng mite hian an thenawm ramte chiah an tina a ni,” a ti.

Dubey-i hian Pakistan-a hnam leh sakhaw zuitu tlem zawkte tihduhdah an nih thinzia pawh a sawi lang a. Kum 1971-a Bangladesh a indan dawn pawh khan ‘religious & cultural genocide’ a thleng tih a sawi.

“Pakistan ang lo takin India chu mipui chi hrang hrang rorelna a ni a, a tlem zawkte pawhin ram chhunga pisa sang ber pawh an luah thei mai a ni,” tiin Dubey-i chuan a sawi.

Dubey-i chhanna hian Pakistani palai, Saima Saleem chawk thovin Dubey-i hnenah hian an ram pawhin hmun zau tak an awp ve tho, Kashmir chungchanga India hmalakna sawi fiah turin a ti a. Dubey-i chuan a ram chhung thil mai a nih thu a sawi ve bawk.

New York City-a UNGA neih mekah hian Modi-a chuan Inrinni (India-a Pathianni zing) hian thu a sawi ve bawk ang.

India leh Pakistan chu United Nations intawhkhawmah nasa taka inchaltauhvin an inpuh chhe tawh a. Pakistani Prime Minister Imran Khan chuan an hmelma ram hi Muslim lakah firfiak taka che-ah a puh.

Pakistan hian vawi tam tak India hi khawvel huap pawlah hian a lo hek tawh thin a. Zirtawpni khan Khan-a hian UN General Assembly (UNGA)-ah COVID-19 avanga ral atanga thu sawiin Prime Minister Narendra Modi chuan India chu Muslim awm ve lohna rama chantir a tum niin a puh.

A thu sawi lawk tawh (prerecorded) hi Zirtawpni zan khan chhuah niin Pakistani prime minister chuan sik leh sa inthlak nasa lutuk te, khawvelin Islam leh a zuitute an hlauhna (Islamophobia) chungchang leh ram thang mekah ei rukna a nasat lutuk avanga tawrhna te pawh a sawi lang.

Khan-a hian India chu na taka bei zual bikin Modi-a kaihhruai Hindu nationalist sorkar chu tuipui bik chawi vawnga roreltu angin a chhuah.

“India-ah hian Islamophobia nasa ber leh rawng ber chuan ro a rel mek a ni,” a ti.

"Hindutva ideology kulmuk zuitu, mahni duh lam chauh chawi vawng tum RSS-BJP-in a thunun ramah hian India-a sakhaw lian tak, Muslim maktaduai 200-te hlauhna leh tharuma beihna a thleng a ni,” a ti.

Khan-a hian Modi-a party, BJP leh he party kalphung an zui, Rashtriya Swayamsevak Sangh a sawi chhuahna a ni a. RSS hi Hindu revivalist movement niin an sakhua la run leh an pawl lo chu hmelma en duhna rilru pu an ni.

Modi-a kaihhruaina hnuaiah hian India sorkar chuan a ram chhunga state zinga Muslim tam berna awm chhun, Kashmir-in mahnia ro inrel hranna bik a neih chu a thiahsak a. Khua leh tui nih theihna dan a siam thar, sakhaw behchhana  innghat chuan sawisel a hlawh nasa hle bawk.

Modi-an White House a tlawh ni taka thu sawi, Khan hian India hian mihring dikna chanvo pawh nasa takin a bawhchhia niin a sawi bawk.

Share now