ZALEN, Apr. 10, 2025: UPC North East India hnuaia Aizawl East District (AED) thalaite chu Ningani khan Chite luia bawlhhlawh thiana hnatlangin ip 245 vel an paih fai.

PYD hnuaia Environment Protection Committee hmalaknaa hnatlangah hian bial hrang hrang atangin member 200 vel thawkchhuakin Bethlehem Vengthlang kâiah lui hi an tifai a, Sanitation Department-in bawlhhlawh paih motor an hmantir hmangin garbage bag 245 vel an chhar khawm chu an paih a ni.

AED PYD Environment Protection Committee hian environment humhalh kawngah an theih anga chak taka hma lain lui an tihfai bakah hian hman khat daih plastic hmang turteah awareness neiin tuihna leh ramngaw humhalh a nih hma an la mek bawk.

Chite lui thiana hnatlangte hi Pastor J. Lalhmingsanga, District PYD President-in vai liamin neiin Lalnunsanga Khawlhring, DFO, Aizawl Division-in hmanpuiin thu a sawi bawk.

Chite lui then fai hi UD&PA Department leh Forest Department, Aizawl Division ten an Sponsor a ni.