ZALEN September 5, 2023 : Health Minister Dr. R. Lalthangliana chuan Hriselna lama Mizoram-in hma a sawn theihna atanga Mizoram sawrkar leh World Bank thawdunna project 'Mizoram Health System Strengthening Project (MHSSP)' US Dollar maktaduai 40 hmanna tur Project chu kalpui mek a nih thu a sawi.

Vawiina chanchinthar thehdarhtute a kawmnaah Health Minister chuan he project hi tihhlawhtlin a nih hunah chuan hriselna kawnga state hmelhmang thlak danglam dawrh tu tur niin a sawi.

Dr. R. Lalthangliana chuan, "He project hnuaiah hian district thar pathuma CMO office building zawh tawh a ni a, district hospital hrang hrangte chei that a ni a, MCON hostel sak te leh building hluite chei that hna thawh a ni bawk. Mizoramin Insurance scheme pahnih (Mizoram State Health Care Scheme & AB-PMJAY) te tihchangtlun nan hma lak mek a nih thu a sawi bawk.