United States sipaite chuan  Afghanistan khawchhak lama drone hmanga an beihnaah Islamic State Afghan branch-a pawikhawihna tur ruahmantu ber an that nia an inhriat thu an sawi.

Nangarhar province-a IS-K pawl member awmte an bei a ni.

IS-K hian Ningania Kabul thlawhna tumhmun pawna beihna thlentu kha nia insawiin hetah hian mi 170 an thi a, heng zingah hian US sipai 13 an tel.

Taliban-ten khawpui an luah hnuah tumhmun atang hian ram dang mite an mite leh anmahni thawhpuitute hruai chhuah hna an thawk zui mek zel.

Chawlhkar hnih liam ta chhungin mi 1,00,000 chuang hruai chhuah hman an ni a, US-in a sipai zawng zawngte hi Thawhlehniah hian Afghanistan atanga lak chhuah vek a tum.

President Joe Biden chuan Zirtawpni khan Ningania thihchilh bomb tipuaktute chu zawng chhuakin phuba an la dawn tih a sawi.

IS-K, Islamic State Khorasan Province amn tih pawh hi Afghanistan-ah chuan jihadist-ah pawh tharum thawh nasa leh che hleihluak thei ber an ni.

US drone an chet chhuah hi Ningania beihna a thlen hnua an chet lakna hmasa ber a ni.

Central Command-a mi, Capt Bill Urban chuan, “Mihring chuan lohna thlawhna hmangin Nangarhar province kah a ni a. Kan tum ber kan that ngei niin kan inhria a, civil mi thi an awm lo bawk,” a ti.

Hetianga an che hi firfiaka chetna laka beihpui an thlakna a nih thu a sawi bawk.

Reaper drone hi Middle East atanga tirh chhuah niin an tum ber hi IS member dang pakhat nen car-a an chuang lai a kap fuh a, an pahnih hian an thi niin Reuters news agency chuan a sawi.

Kabul khawchhak lam province-ah hian IS-K member sang chuang an tawm mek nia hriat a ni.

Ningania Kabul tumhmun pawna thihchilh bomb pahnih tihpuahna hi mipui - mipa, hmeichhia leh naupang thlenga an tamna lai hmun a ni.

An ram chhuahsan tuma tumhmun pan Afghan tam tak thah an ni a. US mi pakhat leh British pahnih an thi a, British mi naute a thi bawk.
Beihna thlen hnu lawk, Zirtawpniah khan Biden-a chuan phuba an lak ngei dawn thu a sawi nghal a, “Kan ngaidam dawn lo va, kan theihnghilh dawn hek lo. Kan zawng chhuak ang a, a man kan pe ang,” tiin a sawi.
President Biden-a hian Kabul-ah hian beihna dang pawh thleng thut thei reng a nih thu a sawi bawk.
Kabul tumhmunah hian US sipai 5,000 vel an la awm mek a, UK sipai tlem azawng an la awm bawk a. Hengho hi a vengtu tura la awmte niin Afghanistan chhuahsan tur mipuite tha taka an chhuah theihna tura hma la an ni.

Taliban thuneitute chuan thlawhna tumhmuna hmun thenkhat chu an thuhnuaiah a awm tawh tih an sawi a; mahse, US chuan a sipaiten thuneihna an la nei vek niin an sawi ve thung.