DOWNLOAD OUR APP

Read latest news on your phone
app-store
Uttarkhand leiverh chima tang mi 40-te lak chhuah tumin bei zel
Nov 14, 2023

Chhanchhuah hna thawktute chuan Pathianni tuk atanga India hmar lam, Uttarakhand-a leiverh chim a thawktu a dante chu mi 40 velte chu lak chhuah tumin an bei mek zel.


Heng hna thawktute hi leiverh siam meka thawktu an ni a, an laih puk tawh chim avangin an tang a ni.


Thuneitute chuan an bepawp thei tawh a, ei tur, tui leh oxygen pawh an pe thei tih an sawi.


Thawhlehni zanah emaw, Nilainiah emaw an lak chhuah theih hman an inbeisei tih an sawi.


Thawhlehni tukah khan state sorkar chuan rescue team hian ‘lei tlain a hnawh lai titlang turin mm 900 hawlhtlanga lian pipe lian rawlh luhna tur verh an tum’ niin an sawi.


He pipe hi an rawlh luh theih chuan chep deuh mah se lakchhuah theih nan an hman theih an inbeisei.


Uttarkashi district-a leiverh hi sorkar laipuiin Uttarakhand-a sakhaw hmun pawimawh tlawhte tan kawngpui tha siamsak a tumna zinga mi a ni a. Tlangram state-ah hian Himalaya tlangdung chhip leh vur ramah te Hindu sakhaw hmun pawimawh tak tak a tam hle a ni.


Leiverh chim hi Pathianni zing dar 5:00 vela Silkyara tunnel-a thleng niin a luhka atanga metre 200 vela thuk a ni a, a chim lai hian a chhungah thawktute an awm tih police hotu, Arpan Yaduvanshi chuan BBC Hindi hnenah a sawi.


A bulhnaia lei nasa tak min avangin leiverh pawh a chim nia ngaih a ni a. A inhnawh nasat avangin oxygen pawh a lut thei lo a ni.


Pathianni zan atang khan walkie-talkie hmangin a tangte hi an bepawp thei tan thung a ni.


Leiverh chhunga tui an lak luhna pipeline hmangin oxygen, ei tur leh tui an pe lut thei ta a ni tih an sawi.


Chhanchhuah hna thawktute hian mi tangte an lak chhuah hmain lei tlate chu then hmasak fe an ngai a. Excavator leh khawl lian dang hmangin an thian.


State Chief Minister Pushkar Singh Dhami chuan national leh state disaster relief team chuan a huhovin an bei mek tih a sawi.


“A chhunga tangte hi an zavaiin an him a, lak chhuah thuai an ni ang,” tiin a pisa atanga thuchhuah a siamah a tar lang.

Euro 2024 final opinion poll
Euro 2024-ah hian tunge champion I rin?
Spain
England

Latest News & Chhiar Hlawh