February 13, 2024; Hunpui ang deuhthaw a kan ngaih tak, Valentines day (14th February) atan dawrkai ten rose, chocolate, gift items etc. an phochhuak tan e.

Valentine’s Day hi thalai, a bik takin thangtharte zingah phei chuan hrelo an awm tawh lo mai ni lovin hunpui ang deuhthaw-a an ngaih pawimawh leh an nuna bet tlat a lo ni ta reng mai.

Changkanna leh hmasawnna man chak em em Mizo thalaite pawh kan bang chuang lo.

 Valentine’s Day hi ‘Hmangaihna Ni’, thalaiten an ngaihzawngte leh nupa pawhin an hmangaihte hnena an hmangaihna, thilpek leh thitih hmangtea an lantirna ni a ni tih chu sawi tam a ngai lo.

He hun ngaihhlut hlawh tak atan hian nimin atang khan Aizawl chuan dawrkai ten gift items chi hrang hrang an phochhuak tan a, chung thil zawrh chhuahte chu hralh a kal chho leh hle in a rinawm.