February 14, 2024; Mizoram a thisen pe hnem ber vawi/ṭum 90 zet pe tawh, C. Lalremruata'n a thei a piang te vawiin Valentines day pual a thisen pe turin a sawm.

Electrict Veng (Aizawl) tlangval C. Lalremruata chuan, "Nu mittui in a fa nunna a chhan thei lo, i thisen erawh chuan a chhan thei," tiin, amah ngei pawhin thisen vawi 100 pek chu a 'dream' a ni tih ZALEN a hrilh.

Mamawhtu an tam avangin a pe thei chuan pek hram hram tha a tih thu te, kan thisen pekin midang nunna a chhan thei tih te hriat reng pawimawh a tih thu te a sawi.

"Kan hun pawimawh, Valentines day ah te, kan piancham leh Krismas etc. pual ang ah te hian pek uar deuh deuh i la, chutiang lo ah pawh engtik hunah pawh Blood Bank ah a pek theih reng a ni," a ti bawk.

Vawiin hian Mizoram hmun hrang hrangah Valentines day pual a thisen pek runpui huaihawt a ni leh dawn a ni.