ZALEN April 4, 2025 : National Tobacco Control Programme State Consultant R. Lalremruata chuan 'Consultative Meeting on Upcoming Global Adult Tobacco Survey 3 with Mizoram Journalist Association' neih a paper a present naah Vaihlo kaihhnawih khawih an tlahniam tih a sawi a, kum tling lovah erawh an sang thung tih a sawi.

State Tobacco Control Cell, National Tobacco Control Programme leh National Health Mission Mizoram te he hun Aizawl Press-a an buatsaih ah hian R. Lalremruata chuan Prevelance of current tobacco use, GATS Mizoram 2009-2010 leh 2016-2017 atanga a lan danin Mizoramah kum 15 chin chunglamah vaihhlo kaihhnawih khawih an tlahniam tih a sawi. India rama a sang ber ni thin kha pahnihnaah a tla a ni a ti.

Kum 2009-2010 khan Vaihlo kaihhnawih khawi hi za-ah 67.2 a nih laiin 2016-2017-ah chuan za-ah 58.7 a ni a, Mei zu-ah 2009-2010-ah za-ah 39.7 a nih laiin 2016-2017-ah chuan za-ah 34.4 a ni a, vaihlo chi dang khawih hi za-ah 40.7 atangin za-ah 33.5-ah a tla thla a ni.

Global Youth Tobacco Survey 2019 atanga a lan danah erawh zirlai naupang kum 13 atanga 15 inkarah survey neih in a tarlan danin Mizoram chu India ramah zuk leh hmuam hmang nasa ber a ni mek thung a ni.