DOWNLOAD OUR APP

Read latest news on your phone
app-store
Van Dijk anga Centre-back tha hi ka la hmu ngai lo: Owen
May 05, 2022

Liverpool-in semi-final-a Villarreal 3-2 an hneh tum khan, Michael Owen-a pawhin uluk takin kha inkhel kha a thlir ve a, kum 5 chhunga tum thum zet Champions League final lut thei Liverpool centre-back Van Dijk che vel pawh ngun takin alo thlir a, amah anga tha khawvel defender zingah an awm loh thu a sawi.  

Kha inkhelhah khan Van Dijk khan minute 90 chhung a khel a, BT Sport hnenah England striker hlui Owen hian huaisen takin Liverpool centre-back chungchang hi sawiin a fak. 

Qwen chuan,"Khawvel centre-back khel mek zingah Van Dijk hi a tha ber lawr lak a, hun hmasa lam thlir pawhin a ni aia centre-half tha hi an awm lo a ni. Ka khelh pui zingah chuan Rio Ferdinand kha centre-back tha ber a ni bawk," a ti. 

Sawi zawmin,"Van Dijk hi centre-forward tan chuan tawn tlang huphurhawm tak a ni. a pa lian a, a che rang a, player dang te aiin a chak bawk a, tin a ball a fingin goal a thun thei bawk. Amah ang a tha hi ka la hmu ngai lo a ni," a ti. 

"Van Dijk hian Premier League title leh Champions League title pakhat ve ve chauh a la chawi a, mi tam takin amah aiin Rio Ferdinand te, Paolo Maldini te leh Franco Baresi te an dah san chhan pakhat chu trophy an chawi tam vang mai mai niin ka hria," tiin Owen chuan a sawi.

India leh Myanmar Border Fencing
India leh Myanmar ramri hung tum chungchang hi eng nge i ngaihdan?
Hung hi tha ka ti lo
Hung se ka ti
Ngaihdan ka nei lo

Latest News & Chhiar Hlawh