ZALEN April 29, 2025; Lengpui khaw dai, Pukpui tuikhawhthla bula lung tla-in a delh chhungkua a mi 3 thi te chu vawiinah vui an ni ang.

Lengpui kawna Pukpui tuikhawthla bula lung tlain an car chawpa a delh avanga boral te, Lalrinliana (68), a nupui Lungtiawii (52) leh an fanu Vanlalhruaii (25) te chu vawiin chhun dar 12 hian Falkland Presbyterian Kohhran Hall-ah vui an ni ang.

Tarlan tawh angin Lalrinliana te nupa leh an fapa Lallawmzuala chuan fanu Vanlalhruaii state pawna awm chawlh hmanga rawn haw chu Lengpui Aiport-ah an lo hmuak a. Aizawl pana an tlan mek laiin vanduaina tawkin kawng chhaka lung tlain an chuanna motor chu a delh ta a ni.

Lalrinliana, a nupui Lungtiawii leh an fanu Vanlalhruaii te chu a hmunah hian an thi nghal a, lirthei khalhtu an fapa Lallawmzuala erawhin hliam na tak a tuar thung a, damdawi in-ah enkawl mek a ni.