February 10, 2024; Nimin lama social media luahtu langsar tak pakhat chu, Mizo hmeichhia social media a a inpho lan dan chungchang a ni.

Nikum lam khan hetiang lam kaihhnawih dodal tu langsar tak pawl pakhat chuan thubuai thehlutin, chhui chiang tura ngenna/hriattirna pawh Mizoram police hotute hnenah an lo thlen tawh a nih kha.

A hria te sawi danin, hetiang a mipat hmeichhiat lam kaihhnawih a social media a inpho chhuahna ang chi hi kan thalaite zingah ching an awm nual tawh a ni awm e. Chutiang atanga pawisa hlawhchhuak mek pawh an awm nia sawi a ni.

Heng ang thil hi in tihhmuh theih leh chin zawng chhang theih tak niin sawi a ni a. Chutiang a nih chuan 'dodalna' lam ah kan tan a ngai tihna a ni. A tak takah chuan mipui nawlpui en theih a hetiang a inpho chhuak ngam hi mi tam an la nih a rinawm loh a, chuti a nih chuan inzirtirna nen, dan lam tlawh chhan a hremna lekkawhna lam nen a tan lak a nih chuan kan la in khap dai thei ngeiin a rinawm a, inpho chhuah ve mai duh te pawh kawng dik kan la kawh hmuh theih a rinawm !

Dan lam nen a tangkawp a hremna lekkawh zawng a chak tak a hmala an awm a, a bul thum atanga a that lohna lam inzirtirna  nasa taka kalpui a nih bawk chuan...tun hunah hian khua kan la tlaiin a rinawm loh !