ZALEN September 18, 2023 : Horticulture Department chuan vawiin khan World Bamboo Day, 2023 Aijal Club-ah an butsaib a. Bamboo Development Board Vice Chairman K. Pachhunga, MLA, chuan a hmanpui a, Mau chin kawng thawhhlawk te leh Mau atanga thil siamchhuak hlawhtling hnenah lawmman pek a ni.

K. Lalthawmmawia, IAS, Commissioner & Secretary, Horticulture Department chuan he hun hi a kaihruai a, District hrang hrang atanga raw chingtute leh Mau atanga thil chi hrang hrang siamtu ten he hunah hian an thilsiam te phochhuahna an nei bawk a ni.

World Bamboo Day, 2023 denchhena lawmman pek te chu :

1. Best Individual Bamboo Plantation - Lalnghakliana s/o Liantawna, Hmunpui, Mamit District

2. Best Bamboo Cluster Plantation atan Saiphal Zau, Hmumpui Ram Mamit District thlan niin, he Zau neitu Ex-MNA Multipurpose Cooperative Society Ltd. hnenah lawman hi hlan a ni.

3. Best Bamboo Entrepreneur - C. Lalropuia, BT. Enter Pvt. Ltd, Durlang hnenah hlan niin, Bamboo Charcoal Briquette siam chhuah leh hralh chhuah kawnga hma a lak that avangin lawmman hi hlan a ni.

4. Best Bamboo Demo-Plot atan Horticulture Centre, Zawlnuam District chu thlan niin lawmman hi DHO Mamit R. L. Peka, MHS hnena hlan ani.

Heng lawmman te hian Cash Incentive Award a keng tel bawk. 

Lawmman hrang hrang bakah hian State Bamboo Mission, Horticulture Department hnuaiah Furniture Training zo tawh te hnenah Training Certificate hlan an ni bawk.

World Bamboo Day, 2023 pual hian Exhibition neih a ni a, Rua/Mau atanga siam chhuah thil chi hrang hrang te pho lan a ni. 

Exhibition a tel tur him National Institute of Design, Bengaluru leh National Institute of Design, Ahmedabad atangin Designer leh Master Trainer te an lo tel ve bawk.

Mau hmanga thil siam hrang hrangte pholan niin mau tangkai zia leh pawimawh zia tarlan ni atan hun hman a ni.