Aizawl: World Bank Board of Executive Directors chuan Mizoram tana hriselna leh a kaihhnawih lama hman turin US Dollar vaibelchhe 32 a pawm tih Ningani-a world bank thuchhuak chuan a tarlang. Mizoram sawrkar lam pawh he thutlukna hi hriattir an ni tawh.

Health Department atanga thu a dawn danin he project hi nikum hmasa lam atanga buaipui tawh a ni a, Health Minister Dr. R. Lalthangliana chuan USA-a kal chhan pakhat pawh kha a nih thu ZALEN a hrilh. March thla tir lam khan World Bank hotute bakah Department of Economic Affairs, Ministry of Finance, Government of India leh Mizoram Health Department te chuan hemi chungchang hi an sawiho a, March 31, 2021 khan World Bank chuan he project hi an passed  a ni.

He project pum hi USD Vaibelchhe 40 a ni a, US Dollar vaibelchhe riat hi Mizoram sawrkar tum tur a ni thung. World Bank hian a tum tur USD vaibelchhe 32 hi a rawn pawm ta a ni. Health department atanga thudawnnain a sawi dan chuan USD vaibelchhe 32 atanga 90% hi Department of Economic Affairs, Ministry of Finance, Government of India tum tur niin hemi atanga 10% hi state sorkar tum leh tur a ni.

He project hi ‘Mizoram Health Systems Strengthening Project’ tia hming phuah niin Mizoram health department leh a hnuaia mite tihchakna tur leh inrelbawlna tha zawk neihna tur tur a ni thu World Bank thuchhuak chuan a tarlang. “State sawrkar-in health system a kalpui tihphuisui nan te, tha zawk leh zau zawka hna a thawh theihna atan te a tih a ni. Sum hi hmalakna rintlak tak tak chhawpchuahna tur leh hmaraw \ha zawk leina tur a hman a ni ni ang," tiin an tarlang.

He project hian a tum ber chu state health insuarance neih te tih changtlun a, chhawr na awm zawka siam a ni dawn a, thawktute thiamna tih hmasawnna tur te a ni a, Government of India-in Pradhan Mantri Jan Arogya Yojna (PMJAY) nen inzawmna \ha tak siam tur leh damdawi in chhawr pha lo harsatna sut kian nan leh sum nei lo mi retheiten hriselna tha an hmuh theihna atana zau zawka hmalak te chu he project tum hi a ni.