Aizawl February 15, 2024 : Mizoram Hindi Training College (MHTC) chuan kum 2023-2024 Hindi Shikshan Praveen (D.El.Ed) leh Hindi Shikshan Parangat (B.Ed) zirlai-ah kum tir syllabus-a tello Yoga Subject chawpchilh taka Compulsary Subject atan dah an duh loh chungchangah Mizo Hindi Zirlai Pawl chuan a tawp thlenga hmalak an tum.

February, 2024 atang khan Yoga Subject zirna kalpui a nih chuangchang hi MHZP chuan tha a ti lo hle a. Hemi chuangchangah hian ni 12/02/2024, Thawhtanna khan MHTC Principal hnenah chawpchilh tak leh 2nd Term Exam hmachhawn mai tur an nih tawh avangin Yoga subject hi Cancel tura hma la turin ngenna an thlen a ni.

MHZP chuan, "Kan ngenna in awmzia a neih loh avangin ni 14/02/2024 Nilaini khan MHTC staff te office kai tur dan an ni. MHZP thil phut hi engti zawng pawha a hlawhtlon hma chu zirlai te hian lungawilohna lantir zel kan tum a. Exam Boycott thlenga hmalak a chungchangah inremna neih a nih tak avangin lungawilohna an lantir chu tih tawp a ni," an ti.

Hindi zirlai pawl chuan, "Yoga hi kan sakhuana nen pawh a inhal avangin hetia barh luih kan nih chungchanga hian kan lungawi lohna Kendria Hindi Shansthan, Agra hnenah ziakin thlen nghak a ni. Mizoram Hindi Training College (MHTC) nena kan inremna hi MHZP chuan a enzui zel dawn a ni," an ti bawk.

Zirtirtu aikal lak chungchangah Sawrkar hmalakna chu MHZP chu tha an tih thu sawiin, "A tawp thlengin Sawrkar kan thlawp dawn a ni. Hindi Teacher aikal la lui te chungah MHZP chuan hma a lak tawh thinna chu na zawka kalpui kan tum a. Agreement bawhchhe ngam leh an mahni ruaitu sawrkar pawh zahlo te chungah MHZP chuan dim bik dawn lo a ni," an ti.