Aizawl: Health Minister Lalrinpuii chuan Zoram Medical College thuam that nana Chief Minister in immediate relief atan cheng vaibelchhe 1.4 a ruahman sak niin a sawi.

Health & Family Welfare Minister Lalrinpuii National Deworming Day hmanna, Electric veng Hnahthial a neiah he thu hi sawiin, "Thlai leh eitur silfai te, tui thianghlim chauh in te, inthiarna leh a hmunhma thianghlim taka enkawl te, in leh a vel vawn fai leh bawlhhlawh tha taka sawngbawl hi rulhut do nan a pawimawh a ni," a ti a.

Health Minister chuan ZMC chu hospital changtlung leh thianghlim tak a ni tih sawiin, mipuiin pan tam se, civil hospital chep lutuk tih zangkhai phah nan leh thawktute indaihzai zawk nan a pawimawh tih a sawi bawk.