ZALEN April 3, 2025; Nimin (Nilaini) chawhma dar 10.30 vel khan Champhai Forest Division a thawkte leh Assam Rifles tangkawp chuan Zokhawtharah exotic ramsa chi hrang hrang tawlhruk an man.

Hegn exotic ramsa chi hrang hrangte hi dan khauh tak- ‘The Wildlife (Protection) Act -1972’ kalh a tawlh ruk te an ni a, exotic ramsa tawlh an man te hi Albino Burmese Python pakhat, African spurred tortoise 27 leh Patagonian mara 3 te an ni.

Heng ramsa Indo-Myanmar international border kaltlanga tawlhruk a inhnamhnawih ni a hriat mi 6 te, Jessie Lalnunmawia s/o Kapkunga, Zokhawthar, Biakzapianga s/o Neicheulian, Zokhawthar, Thawnsuangmuang s/o Sankhawpau, Khawmawi, Myanmar, Lalzuitluangi D/o Sangkhuma Zokhawthar, Denga s/o Neya, Zokhawthar leh Lalhmangaihthanga s/o Pawibawiha, Zokhawthar te man nghal an ni a, Judicial Magistrate, Champhai Judicial District thupek angin Champhai district jail-ah dah an ni.  

Heng exotic animal tawlhruk an man te hi international market ah chuan Rs nuai 130 vel ni a chhut a ni.