ZALEN December 5, 2023 : MLA Inthlan 2023 neih zawh takah a kaihhruai Party MNF in hnehna an changzo ta lo chu President a nih anga a mawhphurhna ah ngaiin MNF President Zoramthanga chuan banna a thehlut.

Banna hi MNF Senior Vice President Pu Tawnluia hnenah thehlutin, hemi chungchang hi naktuk ni 6.12.2023 chhun Dar 12 hian MNF National Core Committee(NCC) leh Political Affairs Committee(PAC) chuan Mizo Hnamrunah thukhawmin an ngaihtuah dawn a ni.

MNF chuan mahni mawhphurhna a ngai a, banna thehlut ngam MNF in President Zoramthanga a nei hi chhuanawm a tiin, a kaihhruai MNF Party hian Pathian leh Ram tan ti zelin, in sang mara tho lehin, Kan ram, Kan hnam leh kan sakhaw humhim turin a ding chhuak leh ngei ang tih MNF chuan a ring tlat a ni. Kum 62 zet chawllova Mizoram leh hnam tana thawk tura MNF lo hruai tawhtu Pathian in MNF hi kaihruai zelin, a kaihthawh leh ngei MNF chuan a ring nghet tlat a ni.