ZALEN April 9, 2025 : ZPM Thalai chuan Aizawl North-I Constituency bialtu Vanlalhlana’n Mizoram PWD a enkawlna hnua ah Mizoram-ah Lei pahnih - Unity Bridge-Tuivai leh Single Span Arch Bridge-Tlawng chu hlawhtling taka dawh kai a ni tawh a, tun hnaia Ministry of Rural Development PR ID 2119161, 5th April 2025 in a tarlan anga Central in a approved tak PMGSY-III hnuaia Lei (Long Span Bridges) pasarih dawh belh turah pawh ZPM Thalai Hqrs. chuan PWD Minister Vanlalhlana an ring tawk an ti.

Sawrkar hmasa lama tih hlawhtlin tak loh PMGSY-III a proposal kal lai Long Span Bridges pasarih - Changte Lui, De Lui, Tuipawl Lui, Zawlpui Lui, Tuisen Lui, Sailungrek Lui leh Tuichang Lui te chu Chief Minister Lalduhawma leh a kaihhruai ZPM Sawrkar-in a nawr hlawhtling ta chu ZPM Thalai Hqrs. chuan lawmawm an ti a, heng Lei dawh tur te hi MPWD Minister Vanlalhlana enkawlna hnuaiah chuan MPCC leh MNF Sawrkar Lei dawhte angin a chim ve lo turah an ngai a ni, an ti.

ZPM Thalai chuan, "Tawngkam lama distinction nilo, kutthlak tawh chin en a distinction pek zel tlak PWD Minister Pu Vanlalhlana kan nei hi lawmawm kan ti a, ZPM Thalai HQRS chuan PWD Minister hi kan chhuang tak zet a ni," an ti.