Aizawl February 11, 2024 : Mizoram-ah zu tha lo in vangin hriat theih chinah mi 56 an boral tawh.

Excise & Narcotics Department chhinchhiah danin zu tha lo in vanga thi te hi mipa 49 leh hmeichhia 7 an ni a. Zu tha lo in vanga thi zinga 36 chu methylated spirit vang a ni a, pethidine vanga thi 2 leh BEDC in vanga thi mi 6 an awm a. Mi 12 te thihchhan erawh an zu ah engnge pawlh a ni tih chiang taka hriat a ni lo thung.

Chhinchhiahna atanga a lan danin kum 2001 kha zu tha lo in vanga thi an tam ber kum a ni a, hemi kum hian mi 14 an thi. Tunhnaiah zu tha lo in vanga thi an awm lo nia hriat niin kum 7 kalta chhung khan mi 1 thi in hei hi kum 2022 kha niin a thih chhan hi methylated spirit vang nia tarlan a ni.