Zawhna: Zawhna: Ka pu, mipa kum 40 mi ka ni a, kar hmasa khan ka dar (shoulder) hi tha na angin a awm a, nachhawkna ka ei a, a dam leh mai a. Nimin khan ka dar vei lam a rawn na leh a, nachhawkna ka ei a, min chhawk rei lo ta hle mai a, ka tlaivar deuh thaw ta mai a. Engnge a chhan ka hre si lo a, damlohna leh that lohna ka neih ka hre bawk si lo, ka inherh ka hre bawk si lo a, engtia rawn na ringawt nge ni ta ang?

Chhanna: I kum ang rualah chuan dar invuahna lai tuamtu tha (ligaments) eng ber emaw inhliam vang a nih duh hmel viau mai.

Dar tihnatah hian rotator cuff injury an tih mai, dar ruh chuktuah (shoulder joint) venghimtu leh a chet velna atana puitu pawimawh tak hi a thler emaw, a vung emaw a ni thei a. Chutiang chu rit chawi te, exercise tih thut/vak tein a awm duh viau a, delh sual vangte pawhin a awm ve thei bawk. Sports lam ti nasate, a bikin badminton leh tennis khel thinte hian an nei duh viau bawk. Taksa in-warm-up tha hmasa lova infiam thutte hian heng intihhliam hi a awm duh viau.

A nat duh viau avang hian i rawn sawi angin mutte a tihar a, nachhawkna pangngai pawhin a chhawk lo fo mai. I ban chet vel a tikhawr em? Chet zawngin a na zual em? A hmaa i kut hmanga i tih theih \hin tihharsat takte a awm em? Ruhseh \henkhat hian shoulder joint hi a tibuai ve fo bawk.
    A dang lehah chuan Frozen Shoulder an tih mai a awm thei bawk. Dar a rawl a, a kham \hum a, chet a har a, a tikhawr viau \hin bawk. Heng harsatnate hi a chhan ni theite chu a ni a. Eng ber nge hriat mai a har vangin ruh doctor (Orthopedic Surgeon) lo inentir thei la chu a \ha ber.