Zawhna: Ka pu, nula kum 25 ka ni a, tunlai hian thil ka ei zawh apiangin ka hrawkah hian thil tang ang hian ka awm a, ka ngaih a tha lo khawp mai. Mahse, a na chuang miah lo va, pumpui chak loh vang a ni ang min tihsak a, pumpui damdawite ka ei a; mahse, a reh chuang miah lo. eng nge a chhan ni ang? Min puih theih chuan ka lawm ngawt ang. Zawhna: Ka pu, nula kum 25 ka ni a, tunlai hian thil ka ei zawh apiangin ka hrawkah hian thil tang ang hian ka awm a, ka ngaih a tha lo khawp mai. Mahse, a na chuang miah lo va, pumpui chak loh vang a ni ang min tihsak a, pumpui damdawite ka ei a; mahse, a reh chuang miah lo. eng nge a chhan ni ang? Min puih theih chuan ka lawm ngawt ang. Chhanna: I insawiselna hi a chhan hrang hrang a awm thei ang a. Zuk leh hmuam, zu (beer emaw tal) i in thin leh thin loh i sawi hran lo va, lehkha la zirlai nge hnathawk lai i nih i sawi bawk lo va, hengte hi han sawi kim thei la, specific deuh zawkin i harsatna hi a chhan leh enkawl dan kan sawi thei tur a ni a. I kum zat angah chuan a chhante hi a common dan indawtin kan sawi ang e: Gastro-esophageal reflux disease (GERD) an tih mai hi a common viau. Pumpuia acid insiam kha an irh let leh a, chawkawng a zawh chho ta thin a. Chu chuan chawkawng a tilawng a, a thenah phei chuan ulcer te a siam thin. Stress and Anxiety: Nangni kum ang rualah chuan hei hi a chhan common tak a ni bawk. Rilru hah leh vei neih reng mai hian hetiang harsatna hi a thlen thei a. A chhan tak awm si lovin an insawisel reng a, an vei poh leh a nasa tial tial thin bawk. A dang lehah chuan Vitamin B12 tlakchham vangin a awm ve thei bawk. Antacid ei nasaah te a awm duh phian. Hrawk lawng emaw vung (Pharyngitis/Laryngitis): Hrik vang a ni thei a, eng emaw thil eiin a tihpun a ni thei bawk. Tiranga lam chi ei nasate hian an nei duh viau bawk. Chawkawng cancer intan. Hei hi chu a common lem lo va; mahse, nangmah ang rual zingah hmuh an awm zauh zauh. A chhan azirin enkawl i ngai dawn a. Chumi hre tur chuan ENT doctor lo inentir thei la. I hrawk lamah fel lote an hmuh lem loh chuan Endoscopy ti leh la. Pumpui emaw chawkawng lawngte a awm chuan damdawi hmanga enkawl theih a ni a. Rilru hah thil vei neih vanga awm te a nih chuan Medicine emaw, Psychiatrist doctor emaw pawh a entir chi bawk ang. Engpawh nise, hreh lova i inentir phawt kha a pawimawh hmasa ber.