Dr Ka Zawhna

Doctor Ka zawhna (May 18, 2014)

Dr. Chawnglungmuana - May 17, 2014

Doctor Ka zawhna (May 18, 2014)

Zawhna: Kum 53 ka ni, ka zun a thlum a, a sang lo. Tun hma deuh khan ka kephah chung hi a thak thin a. Hun eng emaw lai khan ka kutphah hi a thak vak a, a vung thei hial. Tunah chuan ka taksa pumin, ka lu chenin a thak vak thin a, zan ka mut tlem phah hle. Ka inhiahna hnu hi a vual vak thin a, inbual zawhah a nasa bik. Sunburn te hi a ni thei ang em? Khawngaihin min puih theih cuan ka lawm hle ang. — Liana CHHANNA:  Zunthlum (Diabetes) hian harsatna chi hrang hrang a thlen thei a, chung zingah chuan vun natna lam te pawh a tel thei. Amaherawhchu i zunthlum vanga awm nge thil dang vang tih hriat a tha hle. I blood sugar hi a sang hranpa lo niin i sawi a, i control tha tihna angah ngai ta ila. Amaherawhchu zunthlum damdawi ei lai i neih leh neih loh i sawi lova. Heng damdawi thenkhat hian ni zung huat a ti zual thei a (increased sensitivity to sunlight), chu chuan vun vual, thak, leh vung te a siam thei a ni. Damdawi ei lai i nei anih erawh chuan allergy vanga awm ani thei a, skin doctor lo in entir la, an pui thei ngei ang che.
Share now