Cholesterol kan hlauh em em thin, thisen dawt hnawh phui theitu ni a mi tamtakin an sawi thin hi, “Thil hlauhawm lutuk pawh a ni lo ve, cholesterol aia hlauhawm zawk chu sugar (sugar han tih hian thil thlum hi a ni ber awm e),” tia sawi hi an awm ta nawk mai. 
    Kan chaw ei abikin carbohydrates an tih buh atang leh wheat atanga kan ei te hi kan taksaah sugar ang hian a insiam a. Dr. Sanjay Kumar-a CNN-a an interview-naa a sawi an tih chu, “Thisen dawt (arteries) chhunga thau bet, tizim theitu atherosclerosis hi cholesterol vang ni lovin kan thlum ei, sugar vang a ni zawk a. Chung thlum te chuan thisen dawt lining-ah inflammation a awmtir thei a, chu inflammation siam tha (patch up) tur chuan kan thluak-in cholesterol a chhuah tir thin a, tichuan cholesterol-in diklo takin a mawh a phur ta thin a ni,” a ti a ni. 
Tin, Artui-ah hian cholesterol a tam avangin kan hlau hle thin a. Kar khatah artui pum hnih bak ei loh tur ti te in kan in zirtir thin a. Mahse tunlai ei leh in lama mi thiam in ti thenkhat te hi chuan artui thatzia leh kan hlauh thin ang a lo nih loh zia an sawina hi chhiar tur a tam tawh mai. 
    Daktawr Mercola chuan, “Artui hi nitin pum li ka ei thin a, cholesterol lamah ka buai ngailo,” a ti. Artui hi arpui hrisel tak an mahni a tla a, hnim leh rannung eia vak puar (thingtlang ar kan tih ang hi a ni ber awm e) an nih chuan a hela ei hi a tha ber a ti bawk. Artui sawi takah chuan Omega-3-fortified eggs an ti a, artui hi butter thei (avocado) chhungah an ur (bake) a. (Ka rin danin butter thei mu an lak chhuahna khuarah khan artui an dah a ni ang) Artui leh butter thei inpawlh khan omega-3 fatty acids chak tak a siam a. Hei hian thil pun tur inflamation leh luvir na (migraines) tan a tha an ti. 
    Baking Soda (Sodium Bicarbonate) Mizo chuan soda kan tih mai bai-a kan telh thin hi cancer engpawh damdawi-ah a tha hle a. Zan tin thirfian te (teaspoon) khat tui no khat (200ml) nen chawhpawlhin mut hma darkar khat velah in ziah tur a ni. Tin, chutiang bawk chuan zing chawei hma-in in leh ziah bawk tur a ni. Sodium Bicarbonate hian oxygen thisenah a rawn ti tam thei a. Zana kan muthilh chhung khan taksa a lo tial (alkalize) thei a. Cancer cells te hi oxygen tamna leh al (alkalized environment)-ah an nung rei thei lo va, zawi zawiin an bo mai thin. Dr. Mark Sircus hian “Sodium Bicarbonate”- ‘The Rich Men’s and Poor Men’s Cancer Treatment’ tih lehkhabu tepawh a ziak a ni. Baking Soda hi taksa thak (Psoriasis) tan pawh hian a tangkai tih an sawi bawk. 
    Daktawr pakhat chuan hetiang thak nasa vei te hi a lo enkawl dam dan a sawi a. Nitin coconut oil (narial) emaw oil dang pawh avocado oil emaw pawh nitin thirfiante (table spoon) 2-4 in ziah tur a ni a. Hriak (oil) hi chi hnih eipawlh a tha a ti bawk. Tin, heng hriak hel ei te hi cold pressed an ti a, mei sa tak hmang lo va hriak an her chhuah tih ang hi a ni. Avocado leh coconut oil te hi chu dawr a zawrh hi cold pressed an tih label chuang hi a awm. Mut hma darkar chanve velah soda thirfian te (tsp) khat hi tui tlem nen in ziah tur a ni. Thau leh baking soda inpawlh khan taksaah oxygen a siam tam tir a, chu chuan vun thak kha a tihdam theihna a nei a ti. 
    Hetiang hian a damlo thenkhat lo enkawl dam tawh thin thu a sawi. Hriak mawm hlauhawm ber chi chu trans fats oil, (hydrogenated oil) an tih hi a ni. Thlai atanga hriak an siam thenkhat hi hydrogen gas hmangin mei sa tak leh hu, pressure sang tak hmanga an siam a ni. Hei hian cholesterol thalo a ti sang thei a, kan chawei chakna tura a inphelsawmna (metabolism) a ti zawi (slow down) thei bawk. Chawhmeh kan nan tel mei sa taka chhuan khuk chiam tepawh hi a hrisel lo thei a. Hriak hrisel ber pawla an sawi Olive Oil te pawh hi chhuan sat lutuk chuan a chunga kan han sawi ang hian a awm thei a ni. 
    Tel (oil) lei chuan 0 gram trans fats tih inziak awm hi lei tur a ni. A chunga kan han sawi takte hi mi thenkhatte sawi internet atanga kan lak khawm a ni a. Internet lam atanga mahni a zirchian ve pawh a tih chi hle ang.