Zawhna: Ka pu, nu nau pawm kum 30 mi ka ni a, fa ka neih a tang hian ka cher chhe chhe zual em em mai a. Khawngaih takin vitamin  tha emaw, ka mamawh ang tur khawngaihin min chawh thei em?

Chhanna: Ka column chhiartute kumthar chibai vek ule. Zawhna ka chhan hmain kumthar kan chuang kai a, hri leng kan ziaawm chho dawn emaw kan tih laiin kan pung chho leh ta mek chu a ni a. Hei hi kan lo hlauhthawn lawk a ni hrim hrim a, krismas bazar leh hunpui laiin kan inthlahdul a, bazar lam kan tawt a, biak in lamah zai lam kan ti leh  tan a,  thenkhat phei chu krismas ruai te pawh an  theh hial a ni a. Covid hri kai kan pung chho leh hi chu a awm viau e. Engpawh nise, Delta ani emaw Omicron a ni emaw a hlauhawm nep chuang lo tih hria ila, a hmaa kan lo tih  than tawh, nunphung pangngai anga kan lo neih mask vuah that, inuluk, huau huau a tel tlem te kha i chhunzawm zel ang u.

Zawhna lamah lo lut ta ila. Rihna tlahniam emaw rit lutuk (weight loss or gain) hi kan nunphung (lifestyle) in a ken tel a ni fo  thin tih hriat a  tha hle. Khaikhin dawn ta ila rit lutuk ai chuan zang lutuk emaw cher lutuk hi eng zawk nge thlanawm tur sawi thiam a har hle. Cher lutuk ai chuan thau lutuk hian harsatna a thlen tam mah zawk hmel a, a  thenin intihzân dan an buaipui laiin  thenkhat erawh chuan intihthau dan an lo buaipui ve mek bawk. Engpawh nise, lutuk lai hi a  tha lo chu a ni a; chuvangin, chutiang laka kan inven chu a pawimawh a ni tih hre hmasa ta phawt ila.

Nuin nau a neih hian a pai laia a taksa rih belhna kha eng emaw chen a hloh  then  thin a. A tlangpuiin nau an neih a tanga kar ruk chhung velin chu rih belhna chu an hloh  thin. Chumi hnu chuan zawi muangin an paih thung. |henkhat erawh chu nau an pai hma aia nasa a rih belh chhunzawm an awm fo bawk. Ei leh in leh taksa sawizawi/chet tam in a hril hle. Nu nau nei, hnute pe lai tan phei chuan rihna tlahniam vak hi a naute tan chaw ei tur (hnute tui)  tha a pe lo palh thei a ni. Chuvang chuan nu nau pawm, a bik takin hnute pe lai tan phei chuan balanced diet hi a pawimawh zual hle. An naute kha chaw an ei kep miau vangin.

Chaw hi pangngai taka kan ei chuan kan taksa mamawh zat hi chu kan la lut deuh zel a. Damlohna emaw taksa lama fel lo kan neite a nih chuan chaw kan ei pangngai, hunbi mumal taka ei hi a tawk viau zel. Zawhna ka dawn fo  thin chu sa, bawnghnute, artui te regular taka an ei loh hian ei chhia anga inngai an awm fo mai. Kan thlahtute khan chutianga regular taka ei tur an neih a rinawm loh a; mahse, fa sawm te an hring a, harsatna an nei chuang lo a nih hmel. Kan hriat tur pawimawh erawhchu an taksa a che tam kha a ni. Fa an hrin tukah pawh tui chawi tur ten an chhuak mai fo tih te kan hria. Taksa chet tam hian chaw ei tui leh tui loh a hril thui hle.

Chuvangin nu nau nei tan chuan pangngai taka ei in hi a pawimawh hle. A hranpa taka vitamin mamawhna a awm hran lo va, hnute tui  tha taka an neih theih chuan a tawk thawkhat viau a ni. Mahse ngaih that nan erawh vitamin han ei te chu a pawina a awm hranpa lo. Vitamin kan han tih pawh hian a man to deuh te hi  tha bik turah kan ngai a ni mai thei a. Mahse a tlawm pawl Beplex Forte te hi supplement atan chuan a tawk em em a ni; man to a ngai hran chuang lo ve. Thil thlum lam ei tam te hi  thenkhat chuan an lo intihhmuh  thin a, a  tul hran chuang lo. Kan ei in balance tak kha a pawimawh zawk chu a ni  thin.

Fa neih hian a ken tel ngaihtuah tur a titam a, taksa leh rilru hah (stress) a awm fo  thin. Zante an lo mu  tha lo va, mut hunbi a lo buai fo  thin a, chu chuan chaw ei chak lohna a thlen  thin a ni. Chuvang chuan chaw ei chak loh chang awm mah se ei luih  tauh  tauh hi nu tan chuan a pawimawh lai tak a ni. I cher lutuk a nih chuan eng emaw fel lohna dang i nei te ani thei a, I doctor hnenah lo in-check up thei la a  tha hle mai.