Kum thar 2018 chu damtein kan lo chuangkai ve leh ta reng mai. Nikum lam khan duh angin in zawhna te kan chhang kim hman lo va, zawhna te hi vawi khatah kan chhang tam thei lo va, a karah mahni ngaih pawimawh zawngte zeh zeuh zeuh a lo \ul \hin nen, kum thar lamah hi chuan a theih anga tam chhan kan tum dawn nia. Zalen lamah in zawhna te hi in lo thawn zel dawn nia. Chuan, kum thar te kan chuang kai chho a, hriselna lama kan hriat tur \ul te, a pawimawh zual nia ka hriat te kan tarlang hmasa dawn ange. Ka rawn ziah zinga \henkhat hi chu keimah ngei pawhin zawm har ka tih te ani ve thova, chuvangin mahni insawi telin kum tharah chuan kan hriselna tihmasawn turin \an i la \heih ang u. Kum thar 2018 chu damtein kan lo chuangkai ve leh ta reng mai. Nikum lam khan duh angin in zawhna te kan chhang kim hman lo va, zawhna te hi vawi khatah kan chhang tam thei lo va, a karah mahni ngaih pawimawh zawngte zeh zeuh zeuh a lo \ul \hin nen, kum thar lamah hi chuan a theih anga tam chhan kan tum dawn nia. Zalen lamah in zawhna te hi in lo thawn zel dawn nia. Chuan, kum thar te kan chuang kai chho a, hriselna lama kan hriat tur \ul te, a pawimawh zual nia ka hriat te kan tarlang hmasa dawn ange. Ka rawn ziah zinga \henkhat hi chu keimah ngei pawhin zawm har ka tih te ani ve thova, chuvangin mahni insawi telin kum tharah chuan kan hriselna tihmasawn turin \an i la \heih ang u. Kan ram a changkang ve zel a, chumi in a ken tel, technology in kan nitin khawsak a tih awlsam vanga inthlahdah hrin chhuah te pawh ti ta ila, Lifestyle Disease an tih mai hi kan vei tam tial tial dawn niin a lang. Health Dept lamah chuan Non-Communicable Disease (NCD) hi hemi lam buaipuitu deuh ber hi an ni bawk a, an rim chho viau dawn ni te pawhin a lang. NCD natna zingah hian lung lam natna (Heart Disease) a common hle a, thisen/BP sang (Hypertension) te bakah chumi ken tel Heart Attack (Myocardial Infarction), Stroke (thluak a thisen zam chat emaw thisen zam block) te hi a tam chho ta khawp mai. Zunthlum (Diabetes) leh Thyroid lam natna nei pawh kan tam sawt khawp mai. Heng bakah hian kal (kidney) lam natna te, chuap lam natna Asthma leh Chronic Obstructive Pulmonary Disease te, thluak lam natna Alzheimer te thleng pawhin kan kat ve ta nuk mai. Khawpui mai ni lovin thingtlang lamah pawh heng natna te hi a tam chho ve tial tial niin a lang bawk. Heng natna tam zawkte hi inven theih a ni a, chumi atan chuan taksa chet tam (physical activity) leh ei leh in uluk bakah, zuk leh hmuam insum te a pawimawh hle. Kan ram hruaituten mipui ke a kalna an ngai pawimawh a, footpath an zauh te hi a \ha khawp mai a, mipui lam pawhin an hmalakna \awiawmin KE A KAL TAM KUM ah puang chhunzawm thei ila, kan hriselna a ziaawm phah ngeiin a rinawm. Ei leh In lam hi kan ngaih pawimawh chhoh telh telh a \ul bawk ang. Mizote hi sa leh hmuihmer ei nasa pawl tak kan niin ka ring a. Krismas leh Kumthar ruai\hehna ah pawh hian a hmuh theih awm e. Sa hrang pum 4-5 vel insuah hi standard ni berin a lang a, chutah a thau hlawm kan la suah belh leh bawk a, ei tak kan ni \hin. In lamah pawh hian sa hmuihmer tel lova chaw ei tui thei lo chhungkua hi kan awm fur awm e. Red Meat kan ei nasat luatah hian thau thin bawh (Fatty Liver) te, ruh lam natna Gout nei te pawh hi kan tam zel niin a lang. Sa hi ei tlem kan zir a \ha hle mai a, fiamthua an sawi ang deuhin sa ei zing chuan inkhawm tura insiam mai tum an tih \hin ang te kha kan practise leh a hun ta viau. Chawlhni emaw kar khat chhunga ni khat chauh sa hmuihmer ei te hi intihhmuh tum leh ta ila. Hei bakah hian CHI EI TLEM KUM ah te pawh puang leh bawk ila. Chi hi a tlem thei ang ber ei hi kan taksain a ngeih ber a, chawhmeh a kan telh bak hi chu a hranpa in liak lo ila, a him ber a ni. Thei lam chi ei tam hi kan intihhmuh a \ha viau bawk. Engpawhnise, kan ei leh inah hian thau (Fats) tlem thei ang ber ni thei se, thau rau rau ah chuan Omega Fatty Acids tamna sangha te hi thau \ha a ni a, ei tam kan intihhmuh a \ha hle. In lampang - Zu hi kan in nasa hle mai. Mak ang reng tak chu zu in tam zawk hian anmahni inah an in ngam lo va, a bur puitling an lei chuan in an thlen hmain in zawh a ngai \hin a, an ni khat dose a sang thei hle a ni. Zu vanga damlo kan lo en tam zawk hi an ni khat dose-ah um chanve emaw a aia tam a ni deuh zel. Hei bakah hian zing zu in mai ching kan tam a, pum ruak ril\am chunga zu in kan la ching hle bawk. Advice inpek thiam a har phian - in lamah thlamuang deuhin in ngam se han tih ngawt pawh hi \henkhat chu an thlamuang lutuk ta \hin a, hunbi awm lek lo hian an lim ta mai \hin a, an taksa in a tuar leh nge nge \hin. ZU in lo thei lo an nih chuan ni khat dose hi 180 ml (chu chu peg thum) ang velah tal in-restrict thei se, zing zu khawih miah lo bawk se, pum ruakin in lo bawk thei se, chutiang chuan kan ziaawm thei ngei ang (kan in rau rau anih pawhin). Zing zu an khawih ngat tawh hi chuan nilenga in a chawh tawh mai \hin. Hetiang lakah hian kan inven ngat ngat a \ul a ni. A hnam anga thlir pawhin mei hi chu kan la zu nasa hle mai. Meizuk hi kan intihhmuh laklawh a ang viau mai a, tleirawl leh la naupang zawk te hi nu leh pa leh puitling te hian meizial, sahdah leh kuhva lei tura tirh mai kan ching a, hei hi chu sim chi a ni. Lei tura kan tirh fo hian anmahni ah ngaihzamna leh tih ve mai chakna kan tuh fo \hin a; chuvangin, zuk leh hmuam lam chi ngat hi chu kan sim thei lo anih pawhin a la ti ve lo naupang zawk te hi chu lei turin i tir lo teh ang u. A \hat lohna dang lian tak mai chu zuk leh hmuam hi naupang tan chuan ruihhlo hlauhawm zawka hruai luttu an ni thei a (Gateway Drugs an tih phah reng a ni). Ruihhlo harsatna hi kan ramah hian a nasa tawlh tawlh niin a lang lehnghal a, ruihhlo hlauhawm zawk ngawl an vei tawh phei chuan talchhuah mai mai theih ani tawh \hin lo. Chuvangin, ruihhlo \ha laka kan fate leh la naupang zawk te kan venhim theih nan zuk leh hmuam an tih ve loh nan hian ngaihzam pui lo ila, zilh fo ang u. A tawp ber atan chuan kum upa zawk te kan ngaihven zual kum ni thei se kan ti leh ange. Upa te leh Tar te hi kan ram leh hnam ti mawitu an ni a, kan ngaihsak hi an phu hle a ni. Kum upa tawh tak tak, la in-fit tak tak ka hmu fo mai. Anmahni mai bakah a enkawltu an tu leh fate an fakawm ka ti thlawt. Civil Hospital-ah pawh Geriatric Medicine Dept (tar leh upa enkawlna bik) te an hawng thar chho ta bawk a, a enkawl dan kawngah pawh kan inzir peih a \ha hle. Alzheimer natna neite hi an khawngaihthlak hle; mahse, enkawl dan thiam chuan harsatna belh chhah thei tam tak lakah an veng thei ani. Kum upa tawh te hi an taksa balance a \ha tawh lova, an tha te a lo fum tawh avangin ruh intihpalh mai mai an ching hle. A bikin an khel ruh an tih tliah phei chuan an bawrhsawm reng tawh mai \hin a, a enkawltute kan fimkhur a \ha hle. An chet tlatna velah intihpalh theihna thil kan dah bo a \ha hle a, zun ek thiar kawngah pawh vil uluk an \ul hle. Sawi tur tam tak a awm a, kan la ziah chhunzawm leh dawn nia. Engpawhnise, hriselna lama kan hmasawn kumah i han puang ve leh thawr mai ila, Pathian zarah damtein kum thar 2019 chibai inbuk leh \heuh i tum ang u.