Chutia thla khat dawn kan han inkharkhip takah chuan mihring ze hrang hrang a lo lang chhuak noh noh a, a \hen phunchiar deuh, a \hen dawhthei deuh te, \henkhat dan zawm \ha tak, \henkhat ve thung erawh chhuanlam fahrah tete siama pawn vah chhuah dan zawng pawlte an awm bawk a. |henkhat fimkhur leh hlauthawng uchuak an awm laiin \henkhat ve thung chu hri kai hi an cho zek zek emaw ni tih tur an lo awm bawk a. Zan lamah thlamuanna thuchah kan ngaithla a, kan amen \huai \huai a, thu thar deuh a lo thleng a, kan chiaiin kan zam leh em em lawi bawk a.

Hetiang tehnuaih karah hian inkharkhipin mihring hi kawng chi hrang hrangin a lo nghawng thei a ni tihte pawh kan hriat belh ta zel a ni. Indian Medical Association (IMA)-in Covid-19 Helpline kan siam a, kan senior doctor thiam paruk lai maiin (kei pawh Secy nih vangin a hmingin min telh ve a) he helpline hi an vil a. Ni tin hian Mizoram hmun hrang hrang bakah pawn lam a\ang thlengin zawhna an dawng ve reng a. Chung zingah chuan eng emaw harsatna kaihhnawih a he hri leng kai nia inringhlel an kat ve nuk mai.

Hri leng lam chi hian mihring rilru lamah a nghawng ve thei hle a ni tih a chiang ta reng a. Anxiety, Panic, Paranoia Disorder (rilru lam natna chi hrang hrang) a thlen thei a ni tih zawhna lo lut a\angin a chiang hle. Rilru lam hriselna (Mental Health) lamah hma kan sawn a \ul hle tih pawh a tichiang hle. Tunhma a\ang tawhin Psychiatrist, Clinical Psychologist pan hi mi tam zawkin kan hreh khawp mai a, doctor line danga miin a patient a refer chhawn pawh hian zawhna an zawh emaw an sawi common em em chu, “Ka â hleinem,” tih hi a ni.

Rilru lam harsatna hi chi hrang a tam khawp mai a, tunlai information technology khawvelah chuan ni tlata inhriatna hi a common pawl tak a ni. Chutiang avang chuan keini medical community pawhin mipuite kan hrilh hriat fo \hin chu Google-ah natna chungchang zawn fo loh hi a ni. Medical education-a kan zir tam tak hi practical-ah lo ni chiah lo emaw, ni kher lo emaw \hahnem tak a awm a. Eng natna emaw nei tlata inhriatna a awm a, internet lamah kan dap vak hian inrinhlelhna a tizual duh hle. Chuvangin, insawiselna kan nei a nih chuan doctor pan hmasak phawt hi a him ber a ni.

Lockdown hian mi tam tak nunphung a tikhaihlak a, hunbi kan hman dan a inthlak danglam a, zan men rei leh zing thawh tlai te, chaw ei hunbi inthlak te, ek hunbi thlengin a danglam ngeiin a rinawm. Taksa chet a tlem a, ei leh in lamah kan lo insum bawk si loh chuan thau/rih belh te, zunthlum neih phah emaw, a nei saah emaw pawh sang zual te, thisen sang neih phahte an awm thei ngei ang. TV, computer, mobile phone khawih/en nasat avang hian mit lamin a tuar thei bawk ang. Zan mut theih loh neih phahte pawh an awm nawkin a rinawm.

Hriselna a khawih buai theih a tam dawn avang hian kan fimkhur a ngai hle mai. Mahni inchhung emaw, a rem loh pawhin kawtahte emaw hmun remchang indap chawpa taksa sawizawi nachang hriat a \ha hle. YouTube kan en thei fur tawh a, hengah hian hmun rem lo deuhah pawh insawizawi dan chi hrang hrang a awm a, tum chuan a theih a ni. Tin, ei leh in hunbi pawh chhungkuaa vawn a \ha hle. Zan kan mengrei dawn a nih chuan zanriah ei hma lutuk lo ila, zan lam ril\am huna thil ei chin hi taksain a ngeih lo duh viau. Ei leh in pawh insum thiam, tawk chin neih a pawimawh. Mawm leh thlum lam chite insum hram hram ila, zan mut hunbi mumal neih tum a pawimawh hle bawk.