Zawhna: Hmeichhe thi neih hmaa emaw, naupang lutuka tlangval ngai hi an hur hlen duh tih hi zaa zain a dik em? Engvang nge? 2. Virgin-in kum 40 velah pasal a nei ve a, a rai thei tlat lo mai a. Nau pai turin a upa lutuk tawh nge chhan dang vang ni ang, a thi a hul si lo va?

Chhanna: Zawhna \ha tak, ngaihtuah ngunngai tak i rawn zawh avangin ka lawm e. I zawhna hmasa zawk hi mi tam berin kan lo ngaihdan a ni a, chumi zingah chuan kei ngei pawh ka bâng chuang lo. Kohhran hruaitu tam ber pawh hian he ngaihdan hi an \awmpui niin a lang. Chuti a nih chuan thi neih hma emaw, naupang lutuk-a sex hman hian a hnu lamah an hur phah duh a ni tih hi a dik tihna a ni thei em?

Zirchianna a awm fo tawh a. Chung zirchianna ka en tam zawkah chuan sex hman hma lutuk hian a hnu lama taksa leh rilru lama fel lohna eng emaw tak chu a thlen thei tihte pawh an sawi. Mahse, kan lo ngaihdan ang, hur hlenna kan tih ang tak hi chu an hmuh chhuahah chuan a awm hran tlat lo. Hu rhlenna kan tih tak hi tisa châkna lama kal fawr phah ti zawngte pawhin sawi ta ila. Hur tih \awngkam kan hman hi a ni lo zawngin (negative) kan hmang nasa khawp a. Mihring hi hur thei miah lo ta ila, inthlahpun a har khawp ang.

Kumtlinglo emaw, thi neih hmaa sex hman hi hmeichhe tam zawkah chuan an duh reng vang ni lova sex hman (non-consensual sex) a tam hle zawk niin sawi a ni a. Chumi awmzia chu pawngsual emaw, nawr luih te, an bialpaten an thlem vangte a ni tlangpui a, keimah pawhin chutiang ka lo dawnsawn ve tawh zawhna ka zawh hian anmahni duhthu renga sex hmang an awm mang lo a ni.

Scientific zawnga sawi dawn chuan sawi tur tam taka awm thei ang. Ka ngaih pawimawh leh kan ngaihtuahna tizau atana i zawhna ka chhan duh dan chu, chutianga kumtlin hma emaw, an thi neih hmaa sex hmangte emaw hi HUR turin kan ngai reng em ni tih hi a ni. Hur tura kan ngaih chuan (social belief) chutianga sex lo hmang tawhte ngei pawh chu an hur ngei turah an inngai dawn tihna a ni. College pakhatah sex education ka zirtirnaah he zawhna hi ka zawt a, hmeichhe student tam zawk pawhin hur turin an ring tlat! Chutiang avang chuan an lo len hnu zelah pawh hur kha an awm dan tur rengah an ngai mai dawn tihna a ni thei.

Nula pakhat, kum 20 bawr, mipa kawp lova awm hlei thei lo, drugs-te pawh lo ti hial tawh, jail tang lai chu a chanchin ka zawt a. Kum a tlin hmain a patea’n a pawngsual a. A lo nula chho zel a, chhungkuaah te, a len vahnaahte chutiang mi chu an hur duh tih \awngkam a hre ta fo mai a, a pa ngei pawh chuan chutiang rinna a neih avanga mipa dang laka a ven nasatziate a sawi a (a nu nena an titi a lo hre ru). “Ka hur dawn tho tho a nih hi, fel tum mah ila awmzia a awm lo,” tih ngaihdan a neih tak avanga ta lkhawlo ta a nih thu min hrilh.

Kan society hian chutiang chu kan rin miau chuan harsatna lo tawk tawhte (victim) tan chuan a hrehawm duh khawpin a rinawm. Mahse, psychological treatment hmanga inven theih a ni tlat mai. Tin, an hur duh ngei a ni tih hi zirchianna finding (concrete evidence)-ah a awm miau loh avangin he ngaihdan hi kan society-ina kan lo rin ngheh bur, scientific evidence nei loa ni tih kan hriat a pawimawh hle. Kumtlinglo pawngsual an tam tial tial a, chung mite chu kan rin dan hetiang a nih chuan pangngai taka an \han lenna chance kan tichhia a ni tih kan hriat a pawimawh hle mai.

I zawhna pahnihna bikah hi chuan hmeichhia hi an kum a tam hian nau an pai theihna chance a tlem tial tial a ni. Hei hi a chhan ber pakhat chu an chibawma an chi (Ovum) kha a tlem tial tial vang a ni. Chutihrual chuan kum 50 pel tawha nau la pai lehte pawh documented case a awm ve tlat bawk. Keima tawn ngeiah pawh kum 10 chuang an inneih tawh hnuah, amah kum 48 a nih tawhah nau a pai veleh tlat bawk. Chuvangin, an thi hul hma hi chuan hmeichhia hi nau pai theia ngaih an ni.

Nau pai theih loh (infertility) chungchangah hi chuan a chhan tam tak a awm a. Hmeichhe lam fel lohte, hormones lam chiangkuan loh te, an chhul leh chibawm lam fel lo te a ni thei a. Tin, an pasalte chi (sperm) lamah fel lo vangte pawh a ni thei bawk. Hmeichhia zawk hi puh mai kan ching a, mipa chi chak lo vanga fa nei thei lo hi an awm fo a ni. Tin, nupaa harsatna engmah nei lo, naupai thei tlat lo hi an awm bawk; chi inmil lo titeinkansawimai \hin.

Nau pai leh pai loh hi kan thu lo em em a ni tih kan hriat a \ha hle. Nu hrisel \ha tak, nau pawh awlsam tak tura kan rinte hi pai thei lo an awm fo va, nu dawrawm tak, chawrche tak, nau pawh pai se an pai tluan thei lo tura kan rinte hi an hring leh duah lawi bawk a. Chuvangin, nau pai leh pai loh hi chu Pathian thu a nihzia kan hriat a pawimawh hle. Sari pawh tar thi hul daih tawh (turah ka ngai) a nih hnuah fa a pai leh thei a nia!

Kan hriat tur pawimawh tak erawh chu hmeichhia hi nau an pai theih hun lai \ha ber chu 20-25 yrs inkar hi a ni a. Kum tam tawh hnua nau pai leh hi a theih meuh mai a; mahse, risk a tam a, nau chhiat pawh an awl a; chuvangin, high-risk pregnancy tiin kansawi \hin reng a ni. Engpawhnise, virgin-in pasal a nei tih lai hi a pawimawh hle; a pasal tan a hlu dawn mange!! Lo in-check up ngei thei se a \ha hle mai.